Премьер-Министрдің орынбасары – сауда және интеграция министрі Серік Жұманғарин Ақтөбе облысының ауыл шаруашылығы кәсіпорындарына барып, сүт өңдеу саласын дамытудың және отандық ауыл шаруашылығы тауарын өндірушілерін қолдаудың өзекті мәселелерімен танысты.

Ақтөбе өңірінде вице-премьер сүт, ет өңдеу кластерлері, көкөніс сақтау қоймаларының кәсіпорындарына барды. Атап айтқанда, қуаты жылына 12 000 тонна болатын «Milker» ЖШС құрама жем зауыты 1 780 га суармалы жерлерде неміс және голланд селекциясының жоңышқасын өсіреді. Жоңышқа ұнынан жасалған жоғары ақуызды түйіршіктер еліміздің ішкі және сыртқы нарықтарына, шөп қуаты жылына 12 500 тонна сүтті құрайтын «Айс» ЖШС сүт-тауар фермасының мал азығына сатылады. Ферма 2010 жылы мемлекеттік қолдаумен салынған, ал бүгінде облыстың сүт кластерінің базалық кәсіпорны болып отыр.  Бұдан әрі тауарлы сүт фермасы өнімдері Алматы, БҚО, Атырау, Маңғыстау облыстарының нарықтарына түсетін сүт өнімдерінің кең желісін өндіретін «Айс плюс» ЖШС зауытында қайта өңделеді.

Дәстүр бойынша аймақтарға сапары кезінде Серік Жұманғарин кәсіпкерлермен кездесіп, оларды толғандыратын сұрақтар мен даму тиімділігін арттыру бойынша ұсыныстарды тыңдайды. Ақтөбе өңірінің сүт өндірушілерінен келіп түсетін өтініштердің көп екенін ескере отырып, вице-премьер сүт өңдеу зауыты базасында сала кәсіпкерлерімен кездесті. Бірінші кезекте өндірушілер тауарлы сүт фермаларын, құс фабрикаларын, суару жобаларын салу және кеңейту үшін ірі шаруашылықтарды төмен пайызбен жеңілдікпен несиелеу – Үлкен жобаға қатысу үшін кепілді қамтамасыз ету мөлшерін өзіндік құнынан 20%-дан 10%-ға дейін төмендету мүмкіндігі туралы мәселені көтерді. С. Жұманғарин бұл мәселені қарастыруға болады деп жауап берді, өйткені Үлкен жоба бойынша инвестициялау ережелері әлі де әзірленуде.

Тағы бір мәселе шағын бизнестің Үлкен жобаға қатысу мүмкіндігіне қатысты болды. Серік Жұманғарин жауап ретінде Бизнестің жол картасы немесе ШОБ үшін басқа да мамандандырылған бағдарламалар аясындағы жобаларды қарауды ұсынды, өйткені Үлкен жоба елдің қажеттілігін жабу ауқымында өнім өндіруге мүмкіндігі бар ірі шаруашылықтарды қолдауға бағытталған.

Ақтөбе облысының сүт және сүт өнімдерін өндірушілер қауымдастығы басқарма төрағасының орынбасары Сағынғазы Құрманалин С. Жұманғаринмен кездесу кезінде қазақстандық нарықты сапасыз импорттық өнімдерден қалай қорғауға болатыны туралы сұрады. Оның айтуынша, қазір нарыққа көптеген арзан импортталған сүт, өсімдік майы келеді, олардың сапасы әрдайым белгіленген стандарттарға сәйкес келе бермейді. Олар төмен бағамен аулаларда сатылады. Өнімнің кейбір түріне жүргізілген талдау бұзушылықтарды анықтады.

«Сауда және интеграция министрлігінің алаңында өткен жылдың соңынан бастап Ахуалдық штаб құрылды, басқа елдерден келетін тауарларды бақылау үшін Сауда және интеграция, Денсаулық сақтау, Ауыл шаруашылығы министрліктері мен Мемлекеттік кірістер комитетінің өзара іс-қимылының бірыңғай алгоритмі әзірленді. Зертханалық зерттеулердің нәтижелері бойынша біздің бақылау органдары жедел шаралар қабылдауда. Егер басқа өндірушілердің сүт өнімдерінің құрамы сапасыз екені туралы деректер болса, тікелей Сауда және интеграция министрлігіне жүгіне аласыз», — деді вице-премьер. 

Сонымен қатар кәсіпкерлер үлкен суару жобасына қатысу мүмкіндігі туралы қызығушылық танытты. Вице-премьер Үлкен жоба аясында құс фабрикаларын суару және салу жобаларын қаржыландыруды келесі жылы бастау жоспарланғанын айтты.

Сондай-ақ Серік Жұманғарин малдың барлық түрін сою, сақтау және өңдеу және ет консервілерін өндіру бойынша толық өндірістік цикл жолға қойылған «Айбек» ӘКК» ЖШС ет комбинатында болды. Консервілеу цехы тәулігіне 4 800 банкі шығарады. Өнімдер Ақтөбе облысы мен РФ нарықтарына түседі.

#Ауыл шаруашылығы #Серік Жұманғарин #ҚР Сауда және интеграция министрлігі #Өңірлер